Пуцін следам за Мінабаронай пачаў «зачыстку» людзей Шайгу з Савета бяспекі

Падрабязнасці.

Дыктатар Расіі Уладзімір Пуцін звольніў генерала Паўла Канавальчыка з пасады памочніка сакратара Савета бяспекі. Указ пра гэта апублікаваны на партале прававых актаў. Канавальчык — член каманды сакратара Савета бяспекі Сяргея Шайгу. Раней ён служыў пад ягоным кіраўніцтвам у Мінабароне і, паводле некаторых звестак, узначальваў войскі інфармацыйных аперацый. У апарат Савета бяспекі Канавальчык перайшоў у ліпені 2024 года, неўзабаве пасля новага прызначэння Шайгу. Амерыканскі аналітычны цэнтр CNA звязваў генерала з 85-м цэнтрам ГРУ, тэхнічным падраздзяленнем ваеннай выведкі. Мінюст ЗША лічыць, што ён адказвае за працу хакерскай групоўкі Fancy Bear, якую абвінавачвалі ў кібератаках на Дэмакратычную партыю ЗША, урады еўрапейскіх краін і міжнародныя арганізацыі, перадае The Moscow Times.

Звальненне Канавальчыка стала чарговым эпізодам маштабнай «зачысткі» ў атачэнні Шайгу. На гэты момант амаль усе ключавыя фігуры з каманды экс-міністра альбо страцілі пасады, альбо сталі абвінавачанымі ў крымінальных злачынствах. За тыдзень да звальнення Канавальчыка быў затрыманы былы першы намеснік міністра абароны і адзін з найбліжэйшых паплечнікаў Шайгу Руслан Цалікаў. Раней крымінальныя справы завялі супраць іншых намеснікаў экс-міністра: Дзмітрыя Булгакава, Паўла Папова і Цімура Іванова. Апошняга прысудзілі да 13 гадоў калоніі за крадзеж і растрату больш як 4 млрд рублёў. Таксама супраць Іванова расследуецца справа аб хабарах на 1,4 млрд рублёў.

У Савеце бяспекі на пасадзе памочніка Шайгу застаецца Аляксандр Бурачанок, які таксама прыйшоў у ведамства ў 2024-м, а раней займаў аналагічную пасаду ў Мінабароне. Паводле даных «Независимой газеты», паводле функцыяналу Бурачанок быў ад'ютантам Шайгу, а Канавальчык — яго медыйшчыкам. 31 студзеня 2025 года Пуцін прызначыў памочніцай сакратара Савета бяспекі Тамару Цягіну. Яна таксама звязаная з Шайгу і была яго памочніцай яшчэ з тых часоў, калі ён узначальваў МНС.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]