У райцэнтры спрачаюцца з-за асвятлення вуліц

Адным светла, а другія ў цемры.

У Чашніках (Віцебская вобласць) разгарэлася спрэчка вакол асвятлення — некаторыя сцвярджаюць, што хадзіць па вуліцах увечары немагчыма, іншыя так не лічаць. На чыім баку праўда, высветліць даволі складана, піша «Точка».

А пачалося ўсё з відэа ў TikTok ад мясцовага жыхара. У роліку, які аўтар пазначыў датай 8 сакавіка, у 20:30 можна ўбачыць гімназію на вул. Ленінскай. Праўда, разгледзець яе складана, бо на відэа поўная цемра.

Ролік не сабраў шмат праглядаў, але прыцягнуў увагу мясцовага праўладнага СМІ «Чырвоны прамень». У сваім TikTok яны пракаментавалі відэа.

«Мы правялі ўласны маніторынг, прайшліся па горадзе і зафіксавалі: асвятленне працуе ў штатным рэжыме, ніякіх адключэнняў няма. Гэта класічны прыклад таго, як з дапамогай змены ракурсу і мантажу можна выдаць жаданае або выгаднае за сапраўднае», — гаворыцца ў відэа раёнкі.

На гэтым аўтар першага роліка не спыніўся і запісаў яшчэ адзін. У ім ён адмаўляе мантаж і зацямненне, а мясцовым СМІ параіў асвятляць праблемы, а не кляйміць іх.

А што думае народ

Усе тры ролікі сабралі нямала каментароў. Некаторыя сцвярджаюць, што ў дзень здымак было адключэнне святла, іншыя абвінавачваюць беларуса ў празмернай патрабавальнасці да працы энергетыкаў.

Але большасць каментатараў сыходзяцца на тым, што праблема з асвятленнем у Чашніках сапраўды ёсць, прычым не толькі ў дзень запісу роліка, але і ўвогуле (аўтарскія арфаграфія і пунктуацыя захаваныя):

«Калі маразы былі, я ў такую цемру з працы хадзіла, іду — дарога блішчыць. Іду і думаю: па такой дарозе або да хірурга, або на могілкі траплю. Галалёдзіца, і ні чорта не відаць».

«Які мантаж??? Ехала на веласіпедзе з працы і ад «Маяка» да Слабадскога моста ў крамешнай цемры, можа, гэта быў адзін дзень, але было, было».

«Тая ж тэма і ў нас, брат, мы аднолькавыя, горад Навалукомль».

«Пазаўчора гулялі кампаніяй — амаль тое самае было, гімназія цалкам у цемры».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]