SpaceX запусціць першы з 300 украінскіх спадарожнікаў UASAT
1- 12.03.2026, 11:06
- 1,414
Названа дата першага запуску.
Уласная ўкраінская спадарожнікавая сетка UASAT-NANO будзе налічваць 300 спадарожнікаў, а першы плануюць запусціць ужо ў кастрычніку 2026 года з дапамогай кампаніі SpaceX.
Пра гэта расказаў у інтэрв’ю «Мілітарнаму» Дмитрий Стеценко — дырэктар кампаніі Stetman, якая займаецца стварэннем і абслугоўваннем спадарожнікавых сістэм ваеннага прызначэння, у тым ліку UASAT і сістэм на базе Starlink.
«Базава нам хопіць трохсот спадарожнікаў для максімальнай канцэнтрацыі глабальнага пакрыцця», — кажа Стеценко.
Першы плануюць запусціць у кастрычніку на ракеце кампаніі SpaceX. У 2027-2028 гадах дададуць яшчэ па 100-120 адзінак. Надалей сетку будуць абнаўляць — улічваючы, што тэрмін эксплуатацыі апаратаў складае 5-7 гадоў. Стеценко таксама ўдакладніў, што ў будучыні Украіна можа аказаць дапамогу еўрапейскім партнёрам з таннымі тэхналогіямі спадарожнікавай сувязі дзеля «калектыўнай бяспекі».
Пасля паўнамаштабнага ўварвання Расіі ва Украіну пытанне аб неабходнасці запуску незалежных каналаў сувязі для Узброеных Сіл Украіны ўзнімалася пастаянна. З мёртвай кропкі пытанне зрушылася, калі Stetman зарэгістравала спадарожнікавую сетку UASAT NANO: 17 лютага 2026 года сетка з’явілася ў афіцыйнай публікацыі BR IFIC Space, што стала сведчаннем праходжання праверкі рэгулятараў.
Чакаецца, што спадарожнікі UASAT на пачатку будзе вырабляць дацкая кампанія GomSpace, а ў далейшым вытворчасць перанясуць ва Украіну. Апараты будуць размешчаныя на нізкай навакалязямнай арбіце, на вышыні прыкладна 550 км. Першы, які запусцяць у кастрычніку, будзе працаваць у тэставым рэжыме.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
