Кіраўнік расійскіх камуністаў лічыць, што пасля Ірана Трамп нападзе на РФ

Зюганаў заявіў у Дзярждуме, што расіяне — наступныя.

Лідар партыі КПРФ Генадзь Зюганаў заявіў, што вайна на Блізкім Усходзе з’яўляецца часткай больш шырокай стратэгіі ЗША і ў будучыні можа пагражаць краіне-агрэсару — Расіі. Аб гэтым ён сказаў 11 сакавіка на пасяджэнні Дзярждумы, паведамляе «Парламентская газета».

Паводле слоў палітыка, цяпер «за выжыванне» змагаецца Іран, аднак у стратэгіі Трампа наступнымі супернікамі пасля Кітая нібыта названы Расія і Іран. «Мы будзем наступныя», — сказаў ён.

Зюганаў таксама абвінаваціў Вашынгтон у агрэсіўнай палітыцы і заявіў, што тое, што адбываецца, дэманструе «сапраўднае аблічча амерыканскага імперыялізму».

Каментуючы ваенную кампанію, ён адзначыў, што першапачатковы план ЗША, на яго думку, праваліўся. «Бліцкрыг не ўдаўся — разлічвалі на хуткую капітуляцыю, але гэтага не адбылося», — сказаў расійскі дэпутат.

Ён таксама заявіў, што цяпер Трамп нібыта вымушаны змагацца «за сваё палітычнае выжыванне».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]