Перамоўшчык Пуціна прыбыў у ЗША

Для абмеркавання змякчэння амерыканскіх санкцый.

Спецыяльны прадстаўнік Уладзіміра Пуціна па інвестыцыйна-эканамічным супрацоўніцтве з замежнымі краінамі Кірыл Дзмітрыеў прыбыў у ЗША для перамоваў з амерыканскай адміністрацыяй. Пра гэта паведамляе Reuters са спасылкай на дасведчаныя крыніцы (пераклад — The Moscow Times.

Візіт Дзмітрыева адбыўся пасля нядаўніх заяў амерыканскіх уладаў аб гатоўнасці змякчыць санкцыі супраць расійскай нафты ва ўмовах рэзкага росту сусветных цэн на энерганосьбіты. 7 сакавіка кіраўнік Мінфіна ЗША Скот Бэсэнт паведаміў, што Вашынгтон разглядае такую магчымасць, каб згладзіць напружанасць на рынку, выкліканую ваенным канфліктам на Блізкім Усходзе. Пазней Дзмітрыеў пацвердзіў у сацсетцы X, што абмяркоўвае з ЗША гэтае пытанне, падкрэсліўшы, што заходнія санкцыі «наносяць шкоду сусветнай эканоміцы».

Паводле звестак Reuters, адміністрацыя Дональда Трампа прапрацоўвае некалькі сцэнарыяў — ад шырокага паслаблення да адрасных мер, якія дазволілі б некаторым краінам набываць расійскую нафту без рызыкі трапіць пад амерыканскія абмежаванні. Крыніцы агенцтва звязваюць гэтыя планы з неабходнасцю стрымаць скачок цэн, справакаваны збоямі паставак праз Армузскую пратоку, праз якую праходзіць каля 20% сусветных марскіх перавозак нафты. На мінулым тыдні каціроўкі Brent набліжаліся да $112, але пасля заяў Трампа аб магчымым хуткім завяршэнні вайны з Іранам знізіліся да $90.

На пачатку сакавіка ЗША ўжо зрабілі першы крок, часова дазволіўшы Індыі закупляць расійскую нафту, што знаходзілася на танкерах у моры. Тады Бэсэнт запэўніў, што гэта мера не прынясе Маскве значнай выгоды, бо гаворка ідзе пра сыравіну, якая ўжо пакінула расійскія парты. Ён таксама не выключыў далейшага змякчэння, якое дазволіць Расіі прадаць «сотні мільёнаў барэляў», назапашаных на танкерах.

Гэтае рашэнне выклікала рэзкую крытыку з боку дэмакратаў у Кангрэсе. Кангрэсмен Сэм Лікарда і сенатар Рубэн Гальега накіравалі ліст кіраўніку Мінфіна, назваўшы выключэнне для Індыі «небяспечным, контрпрадуктыўным і неабгрунтаваным». На іх думку, часовае паслабленне санкцый можа даць Маскве дадатковыя даходы ў той момант, калі Расія дапамагае Ірану выяўляць амерыканскія мэты на Блізкім Усходзе. «Выключэнні сігналізуюць, што ЗША будуць узнагароджваць атакі на сваіх вайскоўцаў», — гаворыцца ў звароце заканадаўцаў.

Прэс-сакратарка Белага дома Тэйлар Роджэрс заявіла, што план падтрымання стабільнасці на энергетычных рынках быў распрацаваны задоўга да пачатку ваеннай аперацыі ЗША і Ізраіля супраць Ірана, і адміністрацыя працягне разглядаць «усе варыянты, якія заслугоўваюць даверу».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]