Колькі беларускіх студэнтаў выкарыстоўваюць ШІ ў сваіх працах
- 12.03.2026, 0:59
Лічба шакуе.
Выкладчыкі двух беларускіх ВНУ правялі даследаванне, каб высветліць, колькі студэнтаў выкарыстоўваюць у сваіх працах ШІ, піша БелТА.
Пытанне вырашылі вывучыць у БДУ і Гродзенскім дзяржаўным універсітэце імя Янкі Купалы.
Вынікі ўражваюць.
Даследаванне правялі на журфаку БДУ: выбарка склала 200 чалавек. З іх 180 — гэта студэнты журфака, а 70 — Гродзенскага ўніверсітэта.
Высновы такія:
«На першым курсе 100% студэнтаў выкарыстоўваюць ШІ», — адзначыў дацэнт кафедры перыядычнага друку і вэб-журналістыкі факультэта журналістыкі БДУ Аляксандр Градюшко.
Другакурснікі і студэнты старэйшых курсаў у 98% выпадкаў выконваюць заданні і пішуць працы з дапамогай нейрасеткі.
Пры гэтым мэты выкарыстання ШІ вельмі розныя: пошук інфармацыі, выкананне вучэбных заданняў, праверка граматыкі, стварэнне візуальных элементаў і відэа, пераклад тэксту, прэзентацыя.
Але ШІ выкарыстоўваюць не толькі ў вучэбных або працоўных пытаннях, яшчэ і ў асабістых. Таксама каля 60% апытаных выкарыстоўваюць некалькі інструментаў адразу. Верагодна, гэта звязана з недаверам да нейрасеткі.
«У прыватнасці, 78% удзельнікаў даследавання адзначылі, што сустракалі недакладную інфармацыю, а 98% пастаянна сутыкаліся з памылкамі, таму моладзь успрымае ШІ не як беспамылковую крыніцу», — заявіў Градюшко.
Ён падкрэсліў, што студэнты адчуваюць, што гэту крыніцу трэба правяраць, каб пазбегнуць недарэчных друкарскіх памылак і недарэчных высноў.
Звяртаюць увагу навучэнцы і на шаблоннасць меркаванняў, а таксама на страту аўтарскага стылю ў тых журналістаў, якія выкарыстоўваюць ШІ.
Дацэнт дадаў: адзін са студэнтаў параўнаў ШІ з мікрахвалёўкай. Нібыта зручна, але кухара не заменіць.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
