Беларускім школьнікам дазволілі рабіць тры выпраўленні ў пісьмовых работах

Раней адзнаку паніжалі.

Міністэрства адукацыі Беларусі назвала змены ў ацэнцы работ школьнікаў па мовах

Міністэрства адукацыі паведаміла пра змяненне ў ацэнцы работ беларускіх школьнікаў

У Міністэрстве адукацыі пракаментавалі змены ў ацэнцы работ вучняў па беларускай і рускай мовах, піша БелТА.

У ведамстве нагадалі, што ацэнку вынікаў вучэбнай дзейнасці вучняў па ўсіх вучэбных прадметах, у тым ліку і па дзяржаўных мовах, ажыццяўляюць паводле нормаў, зацверджаных пастановай Міністэрства адукацыі (№184 ад 11 ліпеня 2022 года).

Адзнакі па рускай і беларускай мовах выстаўляюць за арфаграфічную і пунктуацыйную пісьменнасць па выніках пісьмовых работ. Настаўнік павінен улічваць арфаграфічныя памылкі ў напісанні слоў, пунктуацыйныя — пры пастаноўцы знакаў прыпынку, граматычныя — пры ўтварэнні формаў слоў, пабудове словазлучэнняў і сказаў. Раней адзнаку паніжалі за любое выпраўленне, зробленае вучнем. Але Міністэрства адукацыі ўнесла змены ў нормы ацэнкі работ па дзяржаўных мовах (пастанова міністэрства №43 ад 21 лютага 2026 года). Карэкціроўкі закранулі выпраўленні ў кантрольных і тэматычных самастойных работах.

– Адзнака не паніжаецца, калі вучань дапусціў да трох выпраўленняў, - пракаментавала кансультант упраўлення агульнай сярэдняй адукацыі Міністэрства адукацыі Анжэла Кудоярава.

Гэтыя змены ўступілі ў сілу з 1 верасня 2025 года. І цяпер пры ацэнцы вынікаў па беларускай і рускай мовах у кантрольных і самастойных работах тры і больш выпраўленняў лічацца за адну памылку. Як падкрэслілі ў Міністэрстве адукацыі, гэта мера накіраваная на стварэнне ўмоў, у якіх дзеці змогуць адчуваць сябе больш упэўнена і не баяцца памыляцца.

– Па астатніх вучэбных прадметах паніжэнне адзнакі за выпраўленне, зробленае вучнем, не прадугледжана, - дадала прадстаўніца ведамства.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]