Казахстан можа пачаць масавую дэпартацыю расіян

У краіне ўспыхнуў скандал.

У Казахстане расследуюць буйную крымінальную справу, звязаную з падробленымі дазволамі на часовае пражыванне (РВП). Справу вядзе Камітэт нацыянальнай бяспекі Казахстана, а сведкамі па ёй праходзяць дзясяткі грамадзян Расіі прызыўнога ўзросту, піша праект «Слова абароны».

Паводле слоў праваабаронцаў, гэтае расследаванне можа прывесці да высылкі расійскіх эмігрантаў, якія пакінулі краіну з-за вайны. З канца лютага гэтага года допыці праводзяць групамі — следчыя выклікаюць па тры–чатыры чалавекі. Расследаваннем справы пра падробленыя РВП займаюцца не міграцыйная паліцыя, а спецслужбы. Гэта можа сведчыць пра падрыхтоўку больш маштабных мер — у тым ліку дэпартацый паводле загадзя ўзгодненых з расійскім бокам спісаў, піша «Слова абароны».

Фармальна гаворка ідзе пра непалітычную крымінальную справу. Дзясяткі тысяч расійскіх эмігрантаў у Казахстане дасюль знаходзяцца ў «шэрай» прававой зоне. У краіне прызнаецца толькі працоўная міграцыя, а механізмаў прадастаўлення палітычнага прыстанішча для расіян няма. Дазвол на часовае пражыванне дазваляе знаходзіцца ў Казахстане да года, але для яго атрымання неабходныя працаўладкаванне і рэгістрацыя па месцы жыхарства. Вакол гэтай працэдуры сфарміраваўся рынак пасярэднікаў, якія прапануюць фіктыўныя дакументы. Ім карыстаюцца многія расіяне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]