Мінчанін распыліў газ з балончыка ў бок дзяўчат, якія спявалі расійскі хіт

Канфлікт адбыўся з-за палітыкі.

Мінчанін распыліў у бок дзяўчат газ з балончыка, якія спявалі расійскі хіт «Матушка-земля», і абвінаваціў іх у падтрымцы Лукашэнкі. Інцыдэнт адбыўся ў снежні. Кампанія калег адпачывала ў кафэ на Партызанскім праспекце.

Бліжэй да поўначы дзяўчаты сабраліся сыходзіць. У гардэробе яны пачалі спяваць хіт Таццяны Куртуковай «Матушка-земля». Да іх падышоў наведвальнік завядзення ў стане алкагольнага ап'янення і нібыта пачаў дакараць, што яны падтрымліваюць Лукашэнку, пішуць «Мінск-навіны».

Дзяўчаты, нібыта, гэта пацвердзілі і накіраваліся ў бок прыпынку грамадскага транспарту чакаць таксі.

Потым да іх падышоў мужчына і распыліў у іх бок газ з балончыка, пасля чаго схаваўся. Пазней мужчыну затрымалі, у дачыненні да яго ўзбудзілі крымінальную справу.

Ім аказаўся родны дзядзька таго мужчыны, які першапачаткова прад'яўляў дзяўчатам прэтэнзіі з нагоды спеву. На момант учынення злачынства яго пляменнік ужо з'ехаў дадому.

— Абвінавачаны раней да крымінальнай адказнасці не прыцягваўся, — пракаментавала намесніца пракурора Заводскага раёна Алена Альхоўская. — Яму прад'яўлена абвінавачанне ў здзяйсненні злачынства, прадугледжанага ч. 3 арт. 339 КК (асабліва злоснае хуліганства), санкцыя якога — да дзесяці гадоў пазбаўлення волі. Віну грамадзянін не прызнаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]