«Пуцін быў бы больш карысны, калі б закончыў вайну ва Украіне»

Трамп падвёў вынікі размовы з кіраўніком Крамля.

Прэзідэнт ЗША Дональд Трамп заявіў, што кіраўнік Крамля Уладзімір Пуцін хоча быць карысным у пытанні Блізкага Усходу, аднак быў бы больш карысны, калі б закончыў вайну ва Украіне.

Пра гэта паведамляецца ў трансляцыі Белага дома.

Падчас зносін з прэсай у Трампа спыталі, што ён можа сказаць пра тэлефонную размову з Пуціным 9 сакавіка і пра што яны размаўлялі.

У адказ лідар ЗША сказаў, што размова была «вельмі добрай», а на лініі з кожнага боку было шмат людзей. Адна з тэм размовы — вайна ва Украіне.

«Мы гаварылі пра Украіну — гэта проста бясконцая барацьба... паміж прэзідэнтам Пуціным і прэзідэнтам Зяленскім існуе велізарная нянавісць. Падобна, яны ніяк не могуць дамовіцца», — заявіў Трамп.

Пры гэтым ён усё роўна лічыць, што размова была пазітыўнай. Яшчэ адной тэмай перамоваў стала сітуацыя на Блізкім Усходзе. Паводле слоў Трампа, Пуцін хоча быць карысным у гэтым пытанні, але ён лічыць, што дыктатар быў бы куды больш карысны, калі б закончыў сваю вайну супраць Украіны.

«Мы, вядома, пагаварылі пра Блізкі Усход. І ён хоча быць карысным. Я сказаў: «Вы маглі б быць яшчэ больш карысным, калі б паклалі канец вайне паміж Украінай і Расіяй. Гэта было б больш карысна», — падкрэсліў прэзідэнт ЗША.

Рэзюмуючы, Трамп дадаў, што размова была добрай, і Пуцін хоча дзейнічаць «вельмі канструктыўна».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]