Продажу вэйпаў у Беларусі чакаюць маштабныя змены

У МАРТ назвалі галоўнае.

Міністр антыманапольнага рэгулявання і гандлю Артур Карповіч заявіў пасля нарады ў Лукашэнкі, што ў краіне наспяваюць вялікія змены ў заканадаўстве, якое рэгулюе гандаль электроннымі цыгарэтамі і вэйпамі.

«На стадыі падрыхтоўкі дакумента абмяркоўваліся два напрамкі. Альбо мы цалкам забараняем выкарыстанне электронных сістэм курэння, альбо на заканадаўчым узроўні абмяжоўваем меры па рэгуляванні гэтага напрамку. Спыніліся на другім шляху», — заявіў Артур Карповіч.

Паводле яго слоў, улады вырашылі скараціць колькасць аптовых пастаўшчыкоў і вытворцаў, якія будуць мець права ўвозіць у Беларусь або вырабляць электронныя сістэмы курэння і спадарожныя тавары.

«То бок мы на стадыі ўвозу выраба ў краіну ўключаем жорсткі фільтр. Мы забараняем шырокаму колу займацца аптовым гандлем гэтымі вырабамі. Пры гэтым па-максімуму захоўваем працоўныя месцы і ўзмацняем ліцэнзійныя патрабаванні», — распавёў ён.

Міністр не ўдакладніў, навошта скарачаць пастаўшчыкоў і як гэта адаб'ецца на цэнах у розніцы, а таксама які пазітыўны эфект гэта можа даць. Таксама пакуль не ясна, ці застануцца на рынку дзеючыя імпарцёры прылад для вэйпінгу і вадкасцяў або ліцэнзіі дадуць новым гульцам. Прынцыпы адбору кампаній, якім дадуць ліцэнзіі, міністр таксама не раскрыў.

У той жа час Карповіч паабяцаў, што ў розніцы скарачэння гандлёвых кропак не прадбачыцца.

«На сёння не сакрэт, што ў нас у гэтай сферы ёсць праблемы. Маса астраўкоў. Нярэдка вельмі складана з імі змагацца. За мінулы год толькі Міністэрства антыманапольнага рэгулявання і гандлю (МАРТ) правяло маніторынг каля пяці соцень гэтых астраўкоў. 70% рэалізуюць тавары неналежнай якасці», — заявіў кіраўнік МАРТ.

Паводле яго слоў, меры адказнасці, якія прымяняюцца да гандлёвых кропак, «недастаткова жорсткія».

«Таму праз два дні суб'ект зноў пачынае прадаваць тое, на чым зарабляе добрыя грошы. Думаю, што ў першай палове 26-га года гэты дакумент трапіць да «дэпутатаў», — паабяцаў міністр.

Нагадаем, што яшчэ ў лістападзе стала вядома пра падрыхтоўку ў «палаце» маштабных зменаў на рынку электронных цыгарэт. Згодна з законапраектам, беларусаў чакаюць:

жорсткае абмежаванне кола кампаній, якія змогуць імпартаваць і прадаваць электронныя цыгарэты і вадкасці да іх;

поўная забарона на дастаўку і перасылку вэйпаў;

забарона на самастойную вытворчасць вадкасцяў для электронных цыгарэт;

строгія абмежаванні на рэкламу і выкладку тавару.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]