У Гродне хлопец пабіўся з драўлянай савой

Скульптура нібыта «няправільна на яго паглядзела».

У канцы студзеня на вуліцы Карла Маркса ў Гродне адбыўся нечаканы інцыдэнт. У адным з завядзенняў былі пашкоджаныя драўляная скульптура ў выглядзе савы, паліцы і гліняны падсвечнік. Прычынай аказаўся «канфлікт» аднаго з мясцовых жыхароў з той самай савой. Падрабязнасцямі здарэння падзяліліся ў УУС Гродзенскага аблвыканкама.

Падазраваным аказаўся 25-гадовы жыхар Гродна.

«Устаноўлена, што ў ноч учынення злачынства малады чалавек знаходзіўся ў стане алкагольнага ап'янення. На ягоным шляху апынулася драўляная сава, якая няправільна на яго паглядзела, і ў выніку фігурант пачаў біць фігуру нагамі. Пры падзенні драўляная канструкцыя таксама пашкодзіла паліцу і падсвечнік», — расказалі ў міліцыі.

Суму агульнай шкоды ацанілі ў 1000 рублёў. У дачыненні да мужчыны ўзбуджана крымінальная справа па арт. 339 КК («Хуліганства»), якая прадугледжвае пакаранне аж да трох гадоў пазбаўлення волі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]