Мінгарвыканкам: Пазнейшае ўключэнне святла было «аднаразовай акцыяй»

Пасля шквалу скаргаў лукашысты пачалі апраўдвацца і «аддувацца».

У сераду ўвечары вулічнае асвятленне ў Мінску ўключылі не ў звыклы час, а каля 19:00. Гэта адбылося пасля абурэння Лукашэнкі, што асвятленне ўключаюць раней. Учорашняе пазнейшае ўключэнне вызвала вялікае абурэнне ў сацсетках.

У Мінгарсвятле «Zerkalo» заявілі, што дзейнічалі паводле рашэння Мінгарвыканкама.

— Як там вырашаць, так і будзе, — заявіла супрацоўніца.

У прыёмнай старшыні Мінгарвыканкама Уладзіміра Кухарава прызналіся, што абураных званкоў наконт уключэння святла на гадзіну пазней было «вельмі шмат».

— Гэта было рашэнне кіраўніцтва. Сёння так не будзе, гэта была аднаразовая акцыя. Сёння ў шэсць гадзін уключыцца асвятленне. Як звычайна, як да гэтага ўключалі, — запэўніла сакратар прыёмнай.

— То бок ужо адмянілі гэтае рашэнне?

— Так-так.

— І больш такой «карэкціроўкі» не будзе? А то мы ўчора ледзь ногі не паламалі.

— Ну, я спадзяюся, што таксама не будзе, бо званкоў паступае вельмі шмат.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]