Зяленскі распавёў пра вынікі першага дня перамоваў у Абу-Дабі

Бакі дамовіліся аб абмене ваеннапалоннымі ў найбліжэйшы час

Перамоўныя групы Украіны, Расіі і ЗША падчас сустрэчы ў Абу-Дабі 4 лютага дамовіліся аб абмене ваеннапалоннымі ў найбліжэйшы час. Пра гэта паведаміў прэзідэнт Украіны Уладзімір Зяленскі.

Зяленскі абмеркаваў з украінскімі перамоўнікамі прамежкавыя вынікі перамоваў, якія працягнуцца 5 лютага.

«Таксама будзе важны крок: мы чакаем у найбліжэйшы час абмен ваеннапалонных. Трэба вярнуць палонных дадому. У цэлым наша ўкраінская пазіцыя вельмі выразная: вайну трэба рэальна завяршыць. Расія павінна быць да гэтага гатовая. Таксама партнёры павінны быць гатовыя забяспечыць гэта насамрэч — сваімі рэальнымі гарантыямі, гарантыямі бяспекі, сваім рэальным ціскам на агрэсара. І тым, каб людзі ва Украіне адчувалі, што сітуацыя рухаецца да міру, да заканчэння вайны, а не да таго, што расіяне будуць выкарыстоўваць усё на сваю карысць і працягваць удары. Не павінна быць узнагароды агрэсару. Калі будзе ўзнагарода агрэсару, Расія з цягам часу сарве любую дамоўленасць», — заявіў Зяленскі.

Прэзідэнт Украіны дадаў, што наперадзе актыўная дыпламатычная праца.

Нагадаем, у Абу-Дабі 4 лютага прайшоў чарговы раўнд перамоваў паміж Украінай, РФ і ЗША. Бакі сустракаюцца пасля масіраванага абстрэлу расіянамі ўкраінскай энергетыкі ў пік маразоў, які адбыўся на фоне энергетычнага перамір'я. Перамовы працягнуцца 5 лютага.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]