З Беларусі сышоў яшчэ адзін буйны нямецкі інвестар

Schmitz Cargobull прадаў бізнес кітайскаму брэнду.

З Беларусі сышоў інвестар Schmitz Cargobull — уладальнікі прадалі свой бізнес. Пра гэта паведамляе выданне Plan B.

Schmitz Cargobull — адзін з найбуйнейшых еўрапейскіх вытворцаў прычэпаў і раней быў найбуйнейшым гульцом на рынках постсавецкай прасторы. У Беларусі ён з 2009 года валодаў кампаніяй «Шмитц Каргобулл Бел». Фірма прадавала прычэпы, паўпрычэпы, фургоны, запасныя часткі і займалася сэрвісным абслугоўваннем тэхнікі брэнда.

Пасля пачатку вайны Расіі ва Украіне нямецкі вытворца вырашыў сысці з расійскага рынку. А праз чатыры гады ён пакідае і беларускі. Інвестар атрымаў дазвол у беларускіх уладаў на продаж сваёй «дачкі». Новым уладальнікам стаў зарэгістраваны ў 2023 годзе ў Беларусі дылер кітайскага аўтамабільнага брэнда Foton, кампанія «ФТТ».

Паводле даных Адзінага партала фінансавай інфармацыі, пакупнік заплаціў немцам у студзені 2026 года 1,79 млн еўра (больш за 6 млн рублёў па курсе Нацбанка на 4 лютага). Папярэдне, у канцы мінулага года, каб адшукаць сродкі на гэтую здзелку, «ФТТ» эмітавала ў Беларусі аблігацыі на суму 6 млн рублёў, піша выданне.

Што вядома пра пакупніка

Як высветліў Plan B, «ФТТ» — дачка буйнага (з гадавой выручкай каля 150 млн долараў) расійска-беларускага транспартнага холдынгу «Б-Капитал».

Раней ён называўся «Карго Лайн Групп». Яго ў 2000-я стварылі беларусы Сяргей Баранаў і Алег Бушуноў, якія перабраліся на Смаленшчыну ў другую эміграцыйную хвалю.

У Беларусі, акрамя «ФТТ», уладальнікам «Б-Холдинга» належаць транспартная кампанія і былы сэрвісны цэнтр Volvo ў Віцебску. У Смаленску ў холдынга 4 кампаніі, а таксама ў яго структуру ўваходзяць даччыныя кампаніі ў Казахстане, Манголіі і Турцыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]