На адзін з штатаў ЗША абрынуўся незвычайны «дождж з ігуан»
- 3.02.2026, 12:51
- 2,362
Відэафакт.
У выхадныя нешта дзіўнае назіралася ў звычайна цёплай Фларыдзе: марознае надвор’е абрынулася на паўднёвыя штаты ЗША, прынёсшы паўметровыя снегапады і моцны вецер, што прывяло да транспартнага калапсу.
Аднак яшчэ больш дзіўным аказалася масавае падзенне ігуан з дрэў — навукоўцы лічаць, што ігуан паразілі нізкія тэмпературы, піша Science Alert.
Наймацнейшыя снегапады былі зафіксаваныя ў Паўночнай Караліне — у некаторых раёнах выпала да 56 сантыметраў снегу. Хоць у Фларыдзе не выпала столькі снегу, як у Паўночнай і Паўднёвай Караліне, Джорджыі або Тэнэсі, тут таксама зафіксавалі рэкордна нізкія тэмпературы. Паводле слоў даследчыкаў, слупок тэрмометра апусціўся да -4 °C, што з’яўляецца самым нізкім паказчыкам, зарэгістраваным у лютым з 1923 года. Для параўнання, звычайна ў гэты час года тэмпература ў штаце вагаецца ад 12 °C да 23 °C.
Але самае дзіўнае адбылося ў нядзелю раніцай, калі мясцовыя тэлеканалы паведамілі пра «дождж з ігуан». Паколькі тэмпература стала занадта нізкай, гэтыя халаднакроўныя рэптыліі падалі з дрэў. Відэа, апублікаваныя ў сацыяльных сетках, паказалі ашаломленых жывёл на тратуарах пасля падзення з дрэў на поўдні штата.
Паводле слоў кіраўніцы службы Iguana Solutions Джэсікі Кілгор, за час пахаладання яны з калегамі ўжо сабралі сотні кілаграмаў ігуан, як жывых, так і мёртвых. Мясцовыя ўлады таксама выдалі ўказ, які дазваляе перавозіць дзікіх ігуан. Усё ж утрымліваць іх дома без дазволу па-ранейшаму забаронена.
Нацыянальная метэаралагічная служба прагназуе, што моцныя снегапады неўзабаве спыняцца, аднак уздоўж усходняга ўзбярэжжа ЗША чакаюцца моцныя вятры, паколькі магутны цыклон «зрушаецца ў мора».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
