Літва атрымае больш за €6 млрд на абарону ў межах праграмы ЕС
2- 3.02.2026, 11:55
Сродкі пойдуць на ўзбраенне і інфраструктуру.
Літва атрымае больш за 6 мільярдаў еўра на ўмацаванне абараназдольнасці ў межах праграмы ЕС SAFE, паведамляе LRT.
Літва атрымае больш за 6 мільярдаў еўра на абаронныя патрэбы ў выглядзе пазыкаў у межах праграмы Еўрапейскага саюза SAFE. Умовы ўдзелу прадугледжваюць інфармаванне Еўракамісіі пра тое, як выкарыстоўваюцца сродкі, і справаздачнасць аб выкананых праектах.
Сродкі пазыкі будуць уключацца ў абаронны бюджэт краіны на працягу чатырох гадоў і выкарыстоўвацца на розныя віды ўзбраення і інфраструктуру.
Першы транш чакаецца ў другім квартале 2026 года, гэта будзе каля 15% ад агульнай сумы.
«Гаворка ідзе пра ўсе віды канвенцыйнага ўзбраення — пачынаючы з боепрыпасаў і да БПЛА і іншых сродкаў... Мы спадзяёмся, што краіны, якія з'яўляюцца прыфрантавымі дзяржавамі, скарыстаюць гэтыя сродкі для развіцця сумесных абаронных праектаў», — адзначыў еўракамісар па абароне Андрус Кубілюс. Частка інфармацыі пра праекты, якія будуць прафінансаваныя з пазыкі, — канфідэнцыйная.
У заяўцы Літва павінна была падрабязна патлумачыць, на якія праекты хоча прыцягнуць сродкі. Міністр абароны Робертас Каунас адзначыў, што гаворка ідзе пра развіццё дывізій і стварэнне неабходнай інфраструктуры.
«Таксама гаворка пра набыццё беспілотных сістэм, падтрымку Украіны, развіццё ВПК», — адзначыў ён.
«Супрацьпаветраная абарона — несумненна прыярытэт, і тут маецца на ўвазе ўсё — і супрацьдзеянне метэашарам (метэазондам з кантрабандай, якія рэгулярна залятаюць з Беларусі і ствараюць праблемы для грамадзянскай авіяцыі — Рэд.), і ўсё астатняе», — каментуе прэм'ер Інга Ругінене.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
