Аналітык: У Лукашэнкі ўсё пачынае развальвацца

2020-ы год успамінаюць усё часцей.

Аналітык Сяргей Чалы лічыць, што сітуацыя, у якой апынуўся Лукашэнка, нагадвае «персанальны ад». Пра гэта эксперт заявіў на канале БРЦ:

— Лукашэнка страціў усе накірункі, усё пачынае развальвацца з усіх бакоў. Ён нічога не можа сказаць сваёй камандзе. Кажа «зрабіце мне», а калі пытаюцца «а што ты хочаш, каб мы зрабілі?», то размова заканчваецца.

Пагражае, што «паставіць усіх да сцяны» — ну пастаў, а дзе ты потым знойдзеш людзей? Потым на тым жа пасяджэнні кажа: «А цяпер ніхто не звольніцца». Дык ты вызначыся — або да сцяны, або ніхто не звольніцца.

Так, у Лукашэнкі і так былі шкілеты ў шафе, забойствы людзей. Але ўсё роўна можна было неяк пайсці на спачын і нават на эканамічным узлёце. А цяпер усё — ён уласнік таго жаху, які адбываецца.

Сваім патлумачыў: маўляў, мы так ужо рабілі і потым сябравалі з Захадам, усё будзе добра. Але гэтага ўсяго не настае, шчасця ўсё няма, страху ўсё больш, 2020-ы год успамінаюць усё часцей. Гэта персанальны ад Лукашэнкі, у якім ён цяпер жыве.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]