Лукашэнка баіцца ўдару па вайсковай базе «Арэшніка»

Яе пачалі ўзмоцнена ахоўваць.

Спадарожнікавыя здымкі зафіксавалі ўзмоцненае разгортванне аховы каля меркаванай базы ракетнага комплексу «Арэшнік» пад Крычавам у Беларусі. Пазіцыі абсталяваныя тэхнікай СПА і РЭБ, уключаючы «Тор-М2», «Панцыр» і «Красуху».

Пра гэта паведамляе украінская служба «Радыё Свабода».

«Побач з былым вайсковым аэрадромам пад Крычавам, дзе Расія можа размяшчаць ракетны комплекс «Арэшнік», зафіксавана не менш за шэсць абсталяваных пазіцый з тэхнікай СПА і РЭБ», — пра гэта сведчаць спадарожнікавыя здымкі за 17 лютага 2026 года, прааналізаваныя журналістамі Беларускай службы «Радыё Свабода» разам з ваенным экспертам.

Па канфігурацыі тэхніка нагадвае комплексы «Тор-М2», «Панцыр», сродкі РЭБ тыпу «Красуха» або «Масква-1», а таксама, меркавана, С-300, аднак дакладна ідэнтыфікаваць яе па здымках немагчыма. Пазіцыі размешчаныя ў радыюсе каля пяці кіламетраў ад аэрадрома, частка з іх мае акопы і зямляныя валы.

У цэнтральнай частцы вайсковага гарадка відаць шэсць вялікіх машын, якія, паводле ацэнкі экспертаў, могуць належаць комплексу «Арэшнік». Іх памеры адпавядаюць тэхніцы, якую напрыканцы снежня 2025 года Мінабароны Расіі і Беларусі паказвалі як тую, што заступіла на баявое дзяжурства. Вакол тэхнікі ўзводзяць ангар.

Украінскі авіяцыйны эксперт Анатоль Храпчынскі лічыць, што каля аб’екта фармуюць эшаланаваную сістэму СПА для прыкрыцця стратэгічнай базы.

Паводле яго слоў, маштаб і характар абароны сведчаць пра высокую важнасць гэтага аб’екта для Расіі і Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]