Звольнены кіраўнік «Мінсктранса»

Яго імя і біяграфія зніклі з сайта арганізацыі.

Гендырэктара «Мінсктранса» Алега Дзюбенкі, хутчэй за ўсё, звольнілі з пасады. Яго імя і біяграфія зніклі з сайта арганізацыі, заўважыла выданне «Зеркало».

Звесткі пра звальненне 58-гадовага гендырэктара спачатку з'явіліся ў профільных чатах транспартнікаў. Калі журналістка «Зеркала» патэлефанавала ў прыёмную гендырэктара, ёй адказалі, што ён больш не працуе.

Сакратарка не сказала, як даўно Дзюбенка пакінуў «Мінсктранс». Таксама невядома, па якой прычыне з ім разарвалі кантракт.

У маі 2020-га Алег Дзюбенка стаў выконваючым абавязкі гендырэктара «Мінсктранса» (да таго часу ён быў першым намеснікам). Афіцыйна на пасадзе яго зацвердзілі 31 ліпеня 2020 года. Усё жыццё Дзюбенка працаваў у транспартнай сферы, пачаўшы з майстра ў тралейбусным дэпо Мінска.

Сёлета ў сярэдзіне лютага ў Мінску некалькі дзён запар адбываліся масавыя перабоі ў рабоце тралейбусаў. Ці звязана звальненне Дзюбенкі з гэтымі праблемамі — невядома.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]