У Беларускай чыгункі ўзніклі праблемы з электрацягнікамі Stadler

З рэйсаў зняты саставы на напрамках Мінск — Брэст і Мінск — Гомель.

Пасля праблем з польскімі дызель-цягнікамі, якія Беларуская чыгунка была вымушаная замяняць на вагоны лакаматыўнай цягі, пачаліся праблемы са швейцарскімі электрацягнікамі Stadler. 22 і 23 лютага быў зняты з рэйса сямівагонны цягнік ЭПм-001 №№733/734, а 23 і 24 лютага такі ж лёс напаткаў цягнік №№701/702.

І калі замену польскіх цягнікоў тлумачылі «тэхнічнымі прычынамі», то замену швейцарскіх электрацягнікоў вырашылі патлумачыць «неабходнасцю правядзення пазапланавага тэхнічнага агляду». Як лічаць у Супольнасці чыгуначнікаў Беларусі, тэрміновая замена цягнікоў сведчыць, што прычына была даволі сур'ёзная.

У Супольнасці чыгуначнікаў звяртаюць увагу, што няспраўнасць электрацягніка ЭПм-001 дадаецца да саставу ЭПм-002, які ўжо працяглы час не эксплуатуецца. Такім чынам, на маршруце Мінск — Брэст няма аналагічнай замены сямівагонным цягнікам ЭПм. Без такіх жа саставаў застаўся таксама папулярны маршрут Мінск — Гомель.

Замяніць іх на пяцівагонныя саставы немагчыма, бо ўсе яны (акрамя аднаго) задзейнічаныя ў перавозках згодна з раскладам на іншых напрамках.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]