У Літве пасадзілі дрон з кантрабанднымі беларускімі цыгарэтамі

Дабрацца да яго было няпроста.

Літоўскія памежнікі каля мяжы з Беларуссю пасадзілі беспілотнік кантрабандыстаў з 500 пачкамі беларускіх цыгарэт. Пра гэта паведамляе Служба аховы дзяржаўнай мяжы Літвы.

Дрон каля вёскі Мілвідай (Шальчынінкскі раён) у ноч на 25 лютага заўважыў аператар сістэмы відэаназірання памежнай заставы. Інфармацыю пацвердзіў памежнік з пераносным цеплавізарам.

«Ужо на світанку, прыкладна за паўкіламетра ад дзяржаўнай мяжы з Беларуссю, у лесе непадалёк ад згаданай вёскі супрацоўнікі Службы аховы дзяржаўнай мяжы выявілі дрон з прымацаваным пакункам. Аднак дабрацца да яго было няпроста: пад уздзеяннем абсталявання памежнікаў беспілотнік прызямліўся высока на вяршыні сасны і застрэў сярод галінак», — распавялі памежнікі.

У прымацаваным да БПЛА грузе выявілі 500 пачак цыгарэт NZ Gold з беларускімі акцызнымі маркамі. Іх кошт з улікам усіх абавязковых у Літве падаткаў складае 2475 еўра.

У Службе аховы дадалі, што сёлета памежнікі пасадзілі шэсць дронаў кантрабандыстаў з цыгарэтамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]