Новыя мыты на імпарт у ЗША ўступілі ў сілу

Мыта складзе 10% ад кошту.

Глабальныя мыты на імпарт афіцыйна ўступілі ў сілу ў ЗША. Першапачаткова прэзідэнт Дональд Трамп заявіў пра павышэнне стаўкі да 15%, але Белы дом паведаміў, што з 24 лютага мыта на імпарт складзе 10% ад кошту.

Розначытанні ўзмацнілі няпэўнасць вакол гандлёвай палітыкі ЗША. Як піша NBC News, павышэнне да 15% адбудзецца пазней. Дзеянне мытаў, якія адмяніў Вярхоўны суд, прыпынена. Як піша Reuters, пакуль няясны механізм магчымага вяртання кампаніям сродкаў, заплачаных паводле недзейнага рэжыму. Японія ўжо афіцыйна запытала ў ЗША гарантыі захавання ўмоў, якія прапісаныя ў двухбаковым пагадненні 2025 года, паведаміў міністр гандлю Рэсэй Акадзава. Токіа асцерагаецца, што частка японскага экспарту можа трапіць пад вышэйшыя мыты.

Фондавыя індэксы Еўропы адрэагавалі зніжэннем на фоне няпэўнасці ў гандлёвай палітыцы. Раніцай 24 лютага пан-еўрапейскі STOXX 600 апусціўся на 0,1%. Аналітыкі Deutsche Bank дадалі, што праясніць сітуацыю можа зварот прэзідэнта да Кангрэса аб становішчы краіны, запланаваны на вечар 24 лютага.

Вярхоўны суд ЗША прызнаў незаконнымі маштабныя імпартныя мыты, уведзеныя 20 лютага. Суддзі шасцю галасамі супраць трох пастанавілі, што Трамп перавысіў паўнамоцтвы, калі выкарыстаў Закон аб міжнародных надзвычайных эканамічных паўнамоцтвах (IEEPA) 1977 года для ўстанаўлення мытаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]