З якой лічбы праміле ў Беларусі пачынаецца алкагольнае ап'яненне

Юрыст даў адказ.

У Беларускай рэспубліканскай калегіі адвакатаў расказалі, з якой лічбы ў Беларусі фіксуецца алкагольнае ап'яненне. Гэта вызначае адпаведная пастанова Савета Міністраў (№497 ад 14 красавіка 2011-га).

Па словах адваката спецыялізаванай юрыдычнай кансультацыі Мінска «Транспарт і права» Паўла Латышава, ап'яненне ў чалавека прызнаюць пры паказчыку ад 0,3 і больш праміле абсалютнага этылавага спірту ў крыві або 150 і больш мікраграмаў на літр у выдыханым паветры.

– Гэтыя лічбы маюць юрыдычнае значэнне, — падкрэсліў адвакат.

Стан ап'янення фіксуюць з дапамогай прадзьмухвання ў сертыфікаваны прыбор або падчас хіміка-таксікалагічнага даследавання крыві. На практыцы часцей за ўсё выкарыстоўваюцца алкатэстары. Пры гэтым у прыбораў можа быць пагрэшнасць, а лабараторнае даследаванне крыві праводзяць на больш дакладным абсталяванні, але і яно мае дапушчальную пагрэшнасць.

– Узяты ўзор крыві захоўваюць не менш за 35 сутак. І пры нязгодзе з вынікам чалавек можа падаць скаргу і абскардзіць высновы экспертызы, — дадаў эксперт.

Пры гэтым па аналізе мачы фіксацыя ап'янення ў Беларусі лічыцца неправамернай і не мае юрыдычнай сілы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]