Зяленскі змяніў галоўнага перамоўцу па ўступленні Украіны ў ЕС

У склад дэлегацыі ўвайшло два дзясяткі службовых асоб.

Прэзідэнт Украіны Уладзімір Зяленскі абнавіў склад украінскай дэлегацыі для перамоваў з Еўрасаюзам па пагадненні аб уступленні Украіны ў ЕС. Новым галоўным перамоўцам прызначаны віцэ-прэм'ер Тарас Качка.

Адпаведны ўказ ад 24 лютага апублікаваны на сайце Офіса Прэзідэнта Украіны.

Дакумент уносіць змены ў папярэдні ўказ ад 21 чэрвеня 2024 года.

Згодна з новым рашэннем, у склад дэлегацыі ўключаныя або зацверджаныя каля двух дзясяткаў службовых асоб — прадстаўнікоў розных міністэрстваў і дзяржаўных органаў.

Галоўным перамоўцам і кіраўніком украінскай дэлегацыі вызначаны віцэ-прэм'ер-міністр па пытаннях еўрапейскай і еўраатлантычнай інтэграцыі Тарас Качка.

Ён будзе адказваць за перамоўны працэс па ўступленні Украіны ў Еўрасаюз.

Указам таксама выведзеная са складу дэлегацыі папярэдняя кіраўніца — Вольга Сцяфанішына, а таксама яшчэ 15 чалавек.

Як вядома, з канца жніўня 2025 года Сцяфанішына займае пасаду пасла Украіны ў ЗША.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]