У Мінску пачалі падрыхтоўку да перакрыцця Свіслачы

Раку давядзецца «перапусціць».

Метрабудаўцы прыступілі да важнага этапу падрыхтоўкі да будаўніцтва тунэлю для трэцяй лініі сталічнай падземкі. Адзін з яе ўчасткаў павінен прайсці проста пад Свіслаччу, з-за чаго русла ракі давядзецца на нейкі час перакрыць, піша «Тэлеграф».

Рака Свіслач аддзяляе станцыю «Юбілейная плошча» ад будучай станцыі «Пярэспа», якая стане працягам Зялёналужскай лініі. Каб пракласці метро пад руслам ракі, метрабудаўцам неабходна будзе ўмацаваць тунэлі пад ракой, а для гэтага раку давядзецца «перапусціць».

Раней галоўны інжынер «Мінскметрапраекта» Павел Непачэловіч у інтэрв'ю газеце «Звязда» апісваў тэхнічную частку гэтага нялёгкага працэсу. Спачатку будаўнікам давядзецца панізіць узровень вады ў рацэ, затым падзяліць русла напалам адмысловым шпунтавым агароджваннем і на кожнай палове па чарзе ўсталяваць жалезабетонную «падушку» з пліты паўметровай таўшчыні.

Толькі пасля таго, як гэта жалезабетонная «падушка» будзе падкладзеная пад русла ракі, метрабудаўцы змогуць запусціць у працу праходчыя шчыты на глыбіні каля 5 метраў пад самай Свіслаччу.

Як заўважыў беларускі блогер Дзяніс Блішч, рабочыя ўжо прыступілі да гэтых падрыхтоўчых работ: на бераг Свіслачы ў раёне гасцініцы «Юбілейная» ўжо прыгналі кран і агарадзілі будаўнічую пляцоўку. У сваім Telegram-канале «Мінск і мінчанін» блогер выклаў некалькі фота, па якіх відаць, што акрамя работ на набярэжнай будаўнікі «закранулі» і частку праспекта Пераможцаў — яго звузілі ў абодвух напрамках, агарадзіўшы па цэнтры нешта кшталту будаўнічага астраўка. Паводле слоў блогера, усе гэтыя работы ўзаемазвязаныя.

Гэта пацвердзілі і ў сталічнай Дзяржаўтаінспекцыі. Там яшчэ некалькі тыдняў таму папярэджвалі, што ў арганізацыю дарожнага руху па праспекце Пераможцаў на ўчастку ад вуліцы Мельнікайце да праспекта Машэрава з 13 лютага ўнесены карэктывы з-за работ па будаўніцтве новых станцый метро.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]