Ісландыя вырашыла паскорыць уступленне ў ЕС

Рэферэндум аб аднаўленні перамоваў могуць правесці ўжо ў жніўні.

Ісландыя можа правесці рэферэндум аб аднаўленні перамоваў аб уступленні ў Еўрасаюз ужо ў жніўні, паведамляе Politico са спасылкай на двух добра інфармаваных суразмоўцаў. Парламент краіны абвясціць дату галасавання ў найбліжэйшыя тыдні.

Кіроўная кааліцыя абяцала правесці рэферэндум да 2027 года, але паскорыла тэрміны праз геапалітычныя ўзрушэнні: увядзенне амерыканскіх пошлін і пагрозы Дональда Трампа анексаваць Грэнландыю. Кандыдат на пасаду пасла ЗША ў Ісландыі Білі Лонг пажартаваў, што краіна стане «52‑м штатам», а Трамп чатыры разы згадаў Ісландыю ў прамове на форуме ў Давосе, абмяркоўваючы Грэнландыю.

Камісар па пашырэнні Марта Кос заявіла, што дыскусія пра пашырэнне ЕС «усё больш звязаная з бяспекай і здольнасцю дзейнічаць у свеце канкуруючых сфер уплыву». Кіраўніца Еўракамісіі Урсула фон дэр Ляен на сустрэчы з прэм’ер-міністрам Ісландыі Крыструн Фростадоцір у Бруселі падкрэсліла, што партнёрства «забяспечвае стабільнасць у нестабільным свеце».

Ісландыя падала заяўку на ўступленне ў Еўрасаюз у 2009 годзе на піку фінансавага крызісу, калі абваліліся ўсе тры найбуйнейшыя банкі краіны. Але ў 2013‑м урад замарозіў перамовы, а ў 2015‑м папрасіў пазбавіць яе статусу кандыдата.

Сацыялагічныя апытанні паказваюць рост падтрымкі ўступлення Ісландыі ў Еўрасаюз. Перамовы могуць прайсці хутка — Ісландыя ўваходзіць у Еўрапейскую эканамічную зону і Шэнген, а да замарозкі паспела закрыць 11 з 33 перамоўных раздзелаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]