Прэм’ер Грэнландыі адмовіў Трампу, які збіраўся адправіць карабель да вострава

І асудзіў выказванні прэзідэнта ЗША.

Прэм’ер-міністр Грэнландыі Енс-Фрэдэрык Нільсэн у нядзелю адхіліў намер прэзідэнта ЗША Дональда Трампа адправіць медыцынскі карабель у Грэнландыю.

Пра гэта Нільсэн напісаў у Facebook.

У суботу Трамп паведаміў у сацыяльных сетках, што супрацоўнічае з губернатарам Луізіяны і са спецыяльным пасланнікам у справах Грэнландыі Джэфам Лэндры каб адправіць гаспітальнае судна ў Грэнландыю, каб аказаць дапамогу «многім хворым людзям, якія не атрымліваюць неабходнага лячэння».

«Мы ўзялі да ўвагі прапанову прэзідэнта Трампа адправіць амерыканскае медыцынскае судна ў Грэнландыю. Але ў нас ёсць сістэма аховы здароўя, у якой лячэнне для грамадзян з’яўляецца бясплатным. Гэта свядомы выбар», — напісаў кіраўнік урада Грэнландыі.

Нільсэн адзначыў, што Грэнландыя застаецца адкрытай для дыялогу і супрацоўніцтва, у тым ліку з ЗША.

«Але паразмаўляйце з намі, замест таго каб рабіць выпадковыя выказванні ў сацыяльных сетках», — дадаў ён.

Грэнландыя, Данія і ЗША напрыканцы мінулага месяца пачалі дыпламатычныя перамовы з мэтай урэгулявання крызісу паміж бакамі пасля месяцаў напружанасці ў НАТА з-за пагрозаў Трампа ў дачыненні да арктычнай тэрыторыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]