У ЗША загаварылі пра магчымую сустрэчу Зяленскага і Пуціна

Інфармацыю агучыў Уіткофф.

У ЗША заявілі, што маюць «добрыя навіны» адносна перамоваў аб заканчэнні расійска-украінскай вайны. Там анансавалі магчымую сустрэчу прэзідэнта Украіны Уладзіміра Зяленскага з расійскім дыктатарам Уладзімірам Пуціным.

Сустрэча нібыта магчымая «ў найбліжэйшыя тры тыдні», да яе можа далучыцца і прэзідэнт ЗША Дональд Трамп. Пра гэта ў інтэрв’ю Fox News паведаміў спецпасланнік Трампа Стыў Уіткофф.

Уіткофф анансаваў сустрэчу Зяленскага з Пуціным

Паводле слоў Уіткоффа, сустрэча Зяленскага з Пуціным можа адбыцца ўжо ў найбліжэйшыя тры тыдні. Ён не выключае, што да іх далучыцца і прэзідэнт ЗША.

Спецпасланнік Трампа назваў расійска-украінскую вайну «бессэнсоўнай». Яе прычыны ён бачыць у «спрэчцы за тэрыторыі», у якой Украіна і РФ не могуць знайсці «кансэнсус».

«Мы з Джарэдам (Кушнерам, зяцем Трампа. – Рэд.) спадзяёмся, што прапановы, якія мы вынеслі на стол, аб’яднаюць бакі ў найбліжэйшыя тры тыдні і, магчыма, прывядуць да саміту паміж Зяленскім і Пуціным. Магчыма, гэта будзе трохбаковая сустрэча з удзелам прэзідэнта (Трампа. – Рэд.). Паглядзім», – сказаў Уіткофф.

Ён таксама падкрэсліў, што Трамп не хоча сустракацца, калі разумее, што сустрэча не прынясе ніякага выніку.

«Ён мае ўнікальную здольнасць гэта зрабіць. Спадзяюся, у найбліжэйшыя тыдні вы пачуеце добрыя навіны», – падкрэсліў ён.

Таксама Уіткофф паскардзіўся, што яго крытыкавалі за шматлікія сустрэчы з Пуціным. А ён, маўляў, толькі спрабаваў «добра зразумець пазіцыю другога боку». Для гэтага яму давялося злятаць у Маскву ўжо восем разоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]