Барыс Джонсан: Захад павінен неадкладна накіраваць войскі ва Украіну

Былы брытанскі прэм’ер упэўнены, што не трэба чакаць заканчэння вайны, каб накіраваць заходні кантынгент.

Калі Вялікабрытанія і яе саюзнікі плануюць разгарнуць свае войскі ва Украіне пасля вайны для стрымлівання новай расійскай агрэсіі, то рацыянальней накіраваць іх проста цяпер.

Пра гэта ў інтэрв’ю BBC (пераклад — «УНІАН») заявіў былы брытанскі прэм’ер Барыс Джонсан.

У размове з журналістамі Джонсан раскрытыкаваў Захад за нежаданне караць Расію за анексію Крыму і нярэшучасць заходніх лідараў у падтрымцы Украіны ўжо падчас поўнамаштабнай фазы вайны.

На думку Джонсана, тая асцярожнасць, з якой Захад павялічваў пастаўкі зброі ва Украіну, была аплачаная чалавечымі жыццямі.

У гэтым кантэксце былы кіраўнік брытанскага ўрада заклікаў не чакаць мірнай дамовы, каб накіраваць кантынгент стрымлівання ва Украіну. Ён прапануе накіраваць войскі цяпер, каб паскорыць заключэнне такой дамовы.

- Калі мы плануем размясціць войскі на месцы пасля вайны, пасля таго як Пуцін пагодзіцца на перамір’е, дык чаму б не зрабіць гэта цяпер? Каб гэтыя людзі не былі задзейнічаныя ў баявых дзеяннях. Я не бачу лагічнай прычыны, чаму мы не павінны накіраваць туды мірныя сухапутныя войскі (peaceful ground forces), каб прадэманстраваць нашу падтрымку, нашу канстытуцыйную падтрымку свабоднай, незалежнай Украіны, – заявіў Джонсан.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]