Адна з краін ЕС гатовая ўзмацніць правілы атрымання віду на жыхарства для беларусаў

Пра гэта заявіў яе кіраўнік МУС.

Міністэрства ўнутраных спраў Эстоніі гатовае перагледзець практыку выдачы часовых відаў на жыхарства грамадзянам Беларусі і Расіі і пры неабходнасці ўзмацніць патрабаванні.

Пра гэта заявіў кіраўнік МУС Ігар Таро у адказ на запыт дэпутаткі Еўрапарламента Яны Тоом, піша мясцовае выданне err.ee.

У сваім запыце дэпутатка цікавілася, як асобы з «няясным мінулым» (цытата Ігара Таро ад 29 студзеня) атрымалі права на часовае пражыванне з улікам запланаваных заканадаўчых зменаў, якія абмяжуюць магчымасць набыцця нерухомасці для грамадзян Беларусі і Расіі без доўгатэрміновага віду на жыхарства.

Ігар Таро падкрэсліў, што рашэнні аб выдачы часовага віду на жыхарства прымаюцца строга ў адпаведнасці з законам, з праверкай усіх умоў і адсутнасці падстаў для адмовы. Пры гэтым ён адзначыў, што згодна з міжнародным правам дзяржава мае права самастойна вырашаць пытанні ўезду, знаходжання і высылкі замежнікаў. Разгляд заявы не азначае аўтаматычнай выдачы дазволу — кожнае рашэнне мае дыскрэцыйны характар.

Міністр таксама заявіў пра гатоўнасць перагледзець дзеючыя крытэрыі. «На падставе вашага запыту мы прааналізуем крытэрыі і практыку прадастаўлення часовых відаў на жыхарства грамадзянам Расіі і Беларусі і, пры неабходнасці, іх узмацнім», — паведаміў Таро.

У сваю чаргу Яна Тоом раскрытыкавала пазіцыю кіраўніка МУС. Яна заявіла, што ўпершыню сутыкаецца з сітуацыяй, калі міністр «буквальна не разумее, пра што яго пытаюць». Паводле яе слоў, менавіта Таро, а не яна, гаварыў пра «асобаў з няясным мінулым» і выступае за ўзмацненне правілаў. Тоом падкрэсліла, што ў прававой дзяржаве рызыкі павінны ацэньвацца індывідуальна, без стыгматызацыі цэлых груп насельніцтва. Дэпутатка паведаміла, што накіравала ў МУС новы, больш падрабязны запыт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]