Сікорскі: Польшча выйшла з Атаўскай канвенцыі ў адказ на агрэсію РФ

Польшча хоча мець магчымасць выкарыстоўваць супрацьпяхотныя міны для абароны.

Рашэнне аб выхадзе з Атаўскай канвенцыі — гэта адказ Польшчы на агрэсіўныя дзеянні Расіі. Пра гэта заявіў віцэ-прэм’ер і міністр замежных спраў Польшчы Радаслаў Сікорскі.

Паводле слоў кіраўніка польскай дыпламатыі, Польшча такім чынам хоча — у выпадку пагрозы — мець магчымасць выкарыстоўваць супрацьпяхотныя міны для абароны.

«Расія не далучылася да Атаўскай канвенцыі і ўварвалася ва Украіну. Часам міны, хай то супрацьтанкавыя або супрацьпяхотныя, з’яўляюцца эфектыўным спосабам запаволіць або нават выціснуць праціўніка з пэўных раёнаў. Таму, калі наш сусед пачаў уварванне ў іншыя суседнія краіны, мы не маглі і далей заставацца ў канвенцыі, бо польскаму войску неабходны гэты інструмент абароны», — сказаў кіраўнік польскай дыпламатыі.

Варта адзначыць, што з Атаўскай канвенцыі — акрамя Польшчы — таксама выйшлі Фінляндыя, Літва, Латвія і Эстонія. Напрыканцы чэрвеня мінулага года адпаведны ўказ таксама падпісаў прэзідэнт Украіны. Пра свой намер аднавіць вытворчасць супрацьпяхотных мін і падтрымаць Украіну ў гэтым накірунку таксама заявілі Літва і Фінляндыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]