У Мінску пенсіянерка закапала ў снезе 125 тысяч рублёў

Навошта?

У Мінску раскрылі незвычайную схему тэлефоннага махлярства: 78-гадовую пенсіянерку пераканалі перадаць буйную суму грошай, а 67-гадовую жыхарку Гомеля — прыехаць у сталіцу і закапаць гэтыя сродкі ў снегавым гурбе, піша Onliner.

У Першамайскае РУУС звярнулася пажылая мінчанка. Паводле яе слоў, спачатку на хатні тэлефон патэлефанавалі невядомыя, якія прадставіліся супрацоўнікамі паліклінікі. Яны паведамілі пра нібыта правядзенне замены картак і пад гэтай нагодай выманілі нумар пенсійнага пасведчання.

Неўзабаве жанчыне патэлефанавалі ўжо «праваахоўнікі». Яны заявілі, што ад яе імя нібыта праводзяцца незаконныя фінансавыя аперацыі. Каб «пазбегнуць крымінальнай адказнасці», пенсіянерцы прапанавалі задэклараваць усе зберажэнні, якія былі дома.

Выконваючы ўказанні тэлефанавальнікаў, жанчына перадала кур’еру, які прыехаў, больш за 125 тысяч рублёў.

Як высветлілася пазней, кур’ерам аказалася 67-гадовая жыхарка Гомеля. Паводле інфармацыі ГУУС Мінгарвыканкама, яна сама раней стала ахвярай аналагічнай схемы. Пад пагрозай крымінальнага пераследу махляры пераканалі яе прыехаць у Мінск, забраць грошы ў іншай пенсіянеркі і закапаць іх у снезе.

Па факце здарэння распачата крымінальная справа.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]