Украінскія вайскоўцы знішчылі расійскі «аналаг HIMARS»
4- 21.02.2026, 12:57
- 3,540
Відэафакт.
Украінскія вайскоўцы знішчылі расійскую рэактыўную сістэму залпавага агню «Торнадо-С» на агнявой пазіцыі ў часова акупаванай частцы Запарожскай вобласці.
Пра гэта напісаў камандуючы Сіламі беспілотных сістэм ЗСУ Роберт «Мадзяр» Броўдзі у сваім Telegram-канале.
Паводле звестак вайскоўцаў, знішчаная ўстаноўка «Торнадо-С» з'яўляецца мадэрнізаванай версіяй РСЗА «Смерч», якая мае павышаную дакладнасць і дальнасць паражэння да 120 км. Сістэма выкарыстоўвае высокадакладныя рэактыўныя снарады і з'яўляецца адной з наймагутнейшых у лінейцы расійскіх рэактыўных сістэм залпавага агню.
У Сілах беспілотных сістэм адзначылі, што менавіта такія комплексы акупанты прымяняюць для удараў па ўкраінскіх гарадах, у прыватнасці па Харкаве, Запарожжы, Сумах, Херсоне і Нікапалі.
На апублікаваным відэа зафіксаваны момант паражэння расійскай устаноўкі на баявой пазіцыі.
Што вядома пра «Торнадо-С»
«Торнадо-С» — мадэрнізаваная рэактыўная сістэма залпавага агню, якую лічаць адной з самых магутных у расійскай арміі. Яна здольная прымяняць высокадакладныя боепрыпасы і паражаць мэты на адлегласці да 120 км.
Раней заяўлялася, што пры правільным прымяненні гэтая сістэма можа выконваць ролю аператыўна-тактычнага ракетнага комплексу і наносіць удары па мэтах у глыбокім тыле праціўніка. Менавіта таму яе часам называюць патэнцыйным «расійскім HIMARS».
Наменклатура снарадаў «Торнадо-С» уключае карэктаваныя ракеты 9М542, 9М544 і 9М549. Акрамя таго, сістэма можа выкарыстоўваць разведвальныя боепрыпасы 9М534, якія падчас палёту запускаюць беспілотнік Т-90 для разведкі мясцовасці і перадачы даных на камандны пункт.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
