У некаторых беларусаў не прымуць экзамен у ДАІ

Патрэбна даведка.

У беларусаў прызыўнога ўзросту не прымуць экзамен у ДАІ без даведкі з ваенкамату. Новая адміністрацыйная працэдура ўступіла ў сілу на пачатку лютага.

Даведку запатрабуюць у экзаменацыйным аддзеле ДАІ ў мужчын ва ўзросце ад 18 да 27 гадоў, якія хочуць здаць на правы.

Даведку выдаюць у ваенкамаце або органе дзяржаўнай бяспекі па вайсковым білеце або пашпарце. Дакумент падрыхтуюць на працягу аднаго працоўнага дня — бясплатна. Тэрмін яго дзеяння — шэсць месяцаў. На шчасце, вучыцца і здаваць унутраны экзамен у аўташколе можна і без даведкі.

«Мы раім прыносіць даведку ў аўташколу напрыканцы навучання, бо для нашых выпускнікоў рыхтуем поўны пакет дакументаў і афармляем заяву ў ДАІ. Калі бачым, што з дакументамі нешта не ў парадку, прапануем альтэрнатыўныя даты, каб чалавек мог здаць тэорыю, аўтадром і горад за адзін дзень», – удакладніў журналісту Tochka.by намеснік дырэктара аўташколы «Дарожная азбука» Ігар Гулевіч.

Такім чынам, калі па нейкай прычыне не ўдалося атрымаць даведку ў патрэбны тэрмін, аўташкола перанясе дату экзамену ў ДАІ. Курсант зможа здаваць практычную частку экзамену на тым аўтамабілі, на якім навучаўся ў аўташколе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]