Супрацьудар на поўдні: ЗСУ заблакавалі прасоўванне войскаў РФ

І скарацілі «шэрую зону».

Сілы абароны Украіны паспяховымі контратакуючымі і штурмавымі дзеяннямі спынілі прасоўванне расіян на поўдні. Яны таксама скарацілі «шэрую зону».

Пра гэта спікер Сіл абароны поўдня Украіны Уладзіслаў Валошын заявіў у эфіры тэлемарафону.

«Мы правялі некалькі контратакуючых і штурмавых дзеянняў на асобных участках лініі баявога судакнення. Мы скарацілі, перш за ўсё, так званую «шэрую зону». Мы не далі ворагу штурмаваць і развіць поспех на некалькіх напрамках. Акрамя таго, не далі ўвесці групы замацавання», — падкрэсліў ён.

Валошын дадаў, што, паводле дадзеных украінскай разведкі, некалькі падраздзяленняў РФ страцілі баявыя магчымасці і здольнасць весці наступальныя дзеянні. Акрамя таго, яны не здольныя нармальна падрыхтаваць групы замацавання, каб нешта ўтрымліваць.

«У нас ёсць пэўныя поспехі. Мы заблакавалі прасоўванне ворага і дзейнічаем у актыўнай абароне», — адзначыў прадстаўнік Сіл абароны поўдня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]