Расійскія камандзіры вымагаюць хабары, каб не накіроўваць салдат на пярэдавую
3- 20.02.2026, 13:08
- 1,790
Сумы дасягаюць $40 000.
Расійскія ваенныя камандзіры вымагаюць у салдат хабары ў памеры да $40 000 за магчымасць пазбегнуць накіравання на пярэдавую ва Украіне, паведамляе выданне (The Telegraph https://www.telegraph.co.uk/world-news/2026/02/19/russian-commanders-demand-30k-spare-soldiers-front-line/) (пераклад — сайт Charter97.org). Эксперты і сведкі сцвярджаюць, што карупцыйная схема мае сістэмны характар і закранае многія расійскія падраздзяленні.
Расійскі салдат Дзяніс Калеснікаў у відэазапісе, аўтэнтычнасць якой пацверджана Украінскім цэнтрам бяспекі і супрацоўніцтва (УЦБС), распавёў, што камандзіры патрабуюць вялікія сумы, пагражаючы «абнуленнем» — накіраваннем на відавочна смяротныя ўчасткі фронту. Паводле яго слоў, «больш за палову» байцоў яго падраздзялення загінулі пасля адмовы плаціць.
Намесніца кіраўніка УЦБС Алеся Гараінава заявіла, што такія злоўжыванні «шырока распаўсюджаныя» і паказваюць на сур'ёзныя праблемы з матывацыяй расійскіх войскаў.
Паводле дадзеных аналітыкаў Інстытута вывучэння вайны (ISW), камандзіры часам накіроўваюць салдат у самагубныя штурмы за адмову даваць хабары. Даследніца ISW Кацярына Стэпаненка адзначае, што сітуацыя будзе пагаршацца на фоне адсутнасці рэформаў арміі.
Сярод іншых выпадкаў — зварот салдата Андрэя Перавозчыкава да Пуціна са скаргамі на продаж камандзірамі дронаў і абсталявання; знікненне вайскоўца Валерыя Белаглазава пасля перадачы заробку на патрэбы часткі; патрабаванне амаль 2 млн рублёў за перавод у тыл салдата Ігара Коршунава; а таксама заявы байца Армена Аўсепяна пра выплату паловы заробку за вызваленне ад баявых задач.
Эксперты лічаць, што карупцыя падрывае баяздольнасць расійскіх войскаў і ўзмацняе страх салдат перад уласным камандаваннем.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
