Трамп: Абама перадаў сакрэтную інфармацыю пра іншапланецян

Прэзідэнт ЗША заявіў пра «вялікую памылку».

Прэзідэнт ЗША Дональд Трамп абвінаваціў былога амерыканскага лідара Барака Абаму у разгалошванні сакрэтнай інфармацыі пра іншапланецян. Сваім меркаваннем з гэтай нагоды цяперашні гаспадар Белага дома падзяліўся з журналістамі 19 лютага.

Падчас зносін з карэспандэнтамі пула на борце прэзідэнцкага самалёта супрацоўнік тэлеканала Fox News Пітэр Дусі сказаў, што Барак Абама ў размове з Браянам Тайлерам Коэнам заявіў, што «іншапланецяне існуюць».

— Вы бачылі якія-небудзь сведчанні наведвання Зямлі нечалавечымі гасцямі?

— Ён (Барак Абама. — Заўв. рэд.) перадаў сакрэтную інфармацыю, чаго не павінен быў рабіць, — заявіў Трамп.

— Дык іншапланецяне існуюць?

— Я не магу сказаць, існуюць яны ці не. Магу сказаць, што ён перадаў сакрэтную інфармацыю, ён не павінен быў гэтага рабіць. Ён зрабіў вялікую памылку, — паўтарыў прэзідэнт.

Раней Барак Абама ў падкасце вядучага Браяна Тайлера Коэна на пытанне «Ці рэальныя іншапланецяне?» адразу адказаў: «Яны рэальныя, але я іх не бачыў». Палітык таксама дадаў, што іх дакладна няма ў легендарнай Зоне 51, і пажартаваў пра змову.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]