Упершыню раскрыта прырода феномена азарэнняў

У яго ёсць фізіялагічнае тлумачэнне.

Здольнасць знаходзіць рашэнне раптам, з характэрным адчуваннем «Ага!», можа быць звязаная са структурай праводных шляхоў мозгу. Да такой высновы прыйшла міжнародная каманда даследчыкаў. Людзі, што часцей вырашаюць задачы праз азарэнні, маюць менш «жорстка арганізаваныя» белыя валокны ў шэрагу моўных зон левага паўшар'я. Праца апублікаваная ў часопісе BMC Psychology.

Феномен азарэнняў даўно вывучаецца нейранавукай. У адрозненне ад паэтапнага аналітычнага рашэння, ён узнікае нечакана і суправаджаецца адчуваннем раптоўнага разумення. Раней з дапамогай фМРТ і ЭЭГ навукоўцы паказалі, што перад момантам асэнсавання назіраецца характэрны ўсплёск актыўнасці ў правай скроневай кары. Аднак структурныя асаблівасці мозгу, якія схіляюць да гэтага феномену, заставаліся маладаследаванымі.

«За апошнія два дзесяцігоддзі нейранавука дэталёва апісала, што адбываецца ў мозгу ў момант азарэнняў. Але заставалася адкрытым пытанне: ці існуюць стабільныя анатамічныя асаблівасці, якія робяць чалавека больш схільным да такіх азарэнняў?» — адзначылі аўтары даследавання Карола Сальві з Каталіцкага ўніверсітэта Мілана і Сімоне А. Лучыні з Пенсільванскага ўніверсітэта.

Навукоўцы засяродзіліся на белым рэчыве — пучках нервовых валокнаў, якія злучаюць розныя вобласці мозгу. Для аналізу яны выкарысталі метад дыфузійна-тэнзарнай тамаграфіі, які дазваляе ацэньваць рух малекул вады ўздоўж валокнаў. Паказчык фракцыйнай анізатропіі адлюстроўвае ступень арганізаванасці гэтых шляхоў: чым ён вышэйшы, тым больш упарадкаваныя і ізаляваныя валокны.

У даследаванні ўдзельнічалі 38 чалавек. Ім прапаноўвалі задачы тыпу Compound Remote Associates: трэба было знайсці агульнае слова для трох іншых (напрыклад, «краб», «сасна», «соус» — «яблык»). Пасля кожнага адказу ўдзельнікі адзначалі, ці прыйшлі яны да рашэння паступова або раптам.

Аналіз паказаў парадаксальны вынік: у людзей з высокай схільнасцю да азарэнняў назіраліся ніжэйшыя значэнні фракцыйнай анізатропіі ў дарсальнай моўнай сетцы левага паўшар'я, уключаючы дугападобны і верхні падоўжны пучкі.

Паводле слоў аўтараў, крэатыўнасць можа ўзнікаць не праз узмацненне кагнітыўнага кантролю, а праз яго ўмеранае паслабленне. «Калі мозг менш зафіксаваны на відавочных інтэрпрэтацыях, ён здольны пераструктуравваць задачу — і менавіта гэта ляжыць у аснове моманту «Ага!»», — дадалі яны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]