МЗС: ЗША адмовіліся выдаць візу Рыжанкову

Ні Лукашэнка, ні кіраўнік ягонай дыпламатыі не трапілі на саміт «Рады міру» Трампа.

Міністр замежных спраў Беларусі Максім Рыжанкоў не трапіў на саміт «Рады міру» ў Вашынгтоне, таму што Злучаныя Штаты Амерыкі адмовілі яму ў візе. Пра гэта паведаміла прэс-служба МЗС.

Лукашэнкаўскія дыпламаты напісалі допіс, у якім абвінавачваюць амерыканцаў у тым, што яны фактычна адмовілі дэлегацыі ва ўездзе ў ЗША.

«Пра які мір і пра якую паслядоўнасць можа ісці гаворка, калі нават базавыя фармальнасці для нашага ўдзелу не былі выкананыя арганізатарамі?», — засмучаюцца ў МЗС.

Раней у Вашынгтон адмовіўся ляцець Лукашэнка. Кіраўніца яго прэс-службы Наталля Эйсмант заявіла, што ў дыктатара «іншыя справы», а таксама спаслалася на санкцыі супраць яе шэфа — Еўропа спыніла авіязносіны з Беларуссю з-за авіятэрарызму беларускага кіраўніка.

Сёння, 19 лютага, Лукашэнка замест прэзідэнта ЗША Дональда Трампа сустрэўся са старшынёй Сената Зімбабвэ Мэйбл Мэморы Чынамонай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]