Актывісты «Еўрапейскай Беларусі» сустрэліся з Эмануэлісам Зінгерысам

Сустрэча адбылася ў Сеймасе Літвы.

Прадстаўнікі грамадзянскай кампаніі «Еўрапейская Беларусь» і былыя палітвязні Яўген Афнагель і Максім Вінярскі, а таксама блогер Дзмітрый Казлоў сустрэліся з дэпутатам парламента Літвы і дакладчыкам па пытаннях Беларусі ў Парламенцкай асамблеі Рады Еўропы Эмануэлісам Зінгерысам.

«Размова доўжылася амаль дзве гадзіны, — распавёў сайту Сharter97.org каардынатар грамадзянскай кампаніі «Еўрапейская Беларусь» Яўген Афнагель. — Гаварылі пра бягучую палітычную сітуацыю, пагрозы суседзям з боку рэжыму Лукашэнкі, новыя арышты і крымінальныя справы, прымусовую дэпартацыю з краіны, лёс Мікалая Статкевіча.

Асаблівую цікавасць выклікалі падзеі 2020 года, тое, што адбывалася на вуліцах беларускіх гарадоў у першыя месяцы пасля выбараў. Пагаварылі і пра турму, пра тое, з чым сутыкаюцца палітвязні ў месцах пазбаўлення волі.

Асобная тэма — праблемы, з якімі сутыкаюцца беларусы за мяжой: легалізацыя, дакументы, праца, дэпартацыя з Літвы беларускіх добраахвотнікаў, якія абаранялі Украіну, і магчымасці іх вырашэння», — распавёў каардынатар «Еўрапейскай Беларусі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]