Трамп абяцае рашэнне па Іране цягам 10 дзён

Ён намерваецца заключыць «значную здзелку».

Прэзідэнт ЗША Дональд Трамп паабяцаў прадставіць інфармацыю пра здзелку з Іранам цягам 10 дзён і пагразіў «кепскімі рэчамі», калі дыпламатычнае ўрэгуляванне сарвецца.

Пра гэта Трамп заявіў падчас пасяджання сваёй Рады міру ў Вашынгтоне.

Падчас першага пасяджання Рады міру, на якім сабраліся прадстаўнікі каля 20 дзяржаў, Трамп пералічваў свае дасягненні на пасадзе прэзідэнта, у прыватнасці мір на Блізкім Усходзе.

Амерыканскі лідар згадаў пра «мірную» сітуацыю ў рэгіёне, дадаўшы, што яму засталося вырашыць пытанне Ірана.

«Дык цяпер мы, магчыма, павінны зрабіць яшчэ адзін крок, а можа і не. Магчыма, мы заключым пагадненне. Вы даведаецеся пра гэта, верагодна, цягам наступных 10 дзён», – сказаў Трамп.

Ён заявіў, што перамовы ЗША і Ірана «былі добрымі», але бакам трэба заключыць пагадненне, інакш адбудуцца «кепскія рэчы».

— Як вы ведаеце, вядуцца добрыя перамовы. Цягам многіх гадоў даказана, што заключыць значную здзелку з Іранам нялёгка. Мы павінны заключыць значную здзелку, інакш адбудуцца кепскія рэчы, — сказаў Трамп.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]