Стала вядома пра тры нядаўнія інцыдэнты з удзелам «групы Вагнера» ў Еўропе

«Вагнераўцы» звязаныя з падрыўной дзейнасцю ў Еўропе.

Расійскае ўзброенае фарміраванне ПВК «Вагнер», доўгі час заставалася ў цені пасля мяцежу 2023-га года. Цяпер «вагнераўцы» аказаліся звязаныя з падрыўной дзейнасцю ў Еўропе.

Паводле даных заходніх спецслужбаў, былыя рэкрутары і прапагандысты арганізацыі ўдзельнічаюць у аперацыях гібрыднай вайны супраць еўрапейскіх вайсковых аб'ектаў, дзейнічаючы па ўказцы расійскага ГРУ, піша The National Interest (пераклад — сайт Charter97.org).

Выкарыстанне наймітаў дазваляе Крамлю захоўваць праўдападобнае адмаўленне датычнасці, аднак НАТА і Еўрапейскі саюз разумеюць сапраўдныя матывы. На фоне вайны ва Украіне Захад можа адказваць, узмацняючы вайсковую падтрымку Кіева, уключаючы разведдадзеныя.

Калісьці «Вагнер» быў галоўным інструментам знешняга ўплыву Расіі. Менавіта «вагнераўцы» і расійскія сілавікі пачалі аперацыю ў Крыме ў 2014 годзе, што прывяло да яго анексіі.

Сітуацыя змянілася пасля мяцяжу лідара ПВК Яўгена Прыгожына у 2023 годзе. Прыгожын, раней набліжаны да Пуціна, абвінаваціў расійскае кіраўніцтва ў карупцыі. Мяцеж скончыўся няўдачай, а праз месяц Прыгожын загінуў у выніку выбуху ў самалёце.

Пасля масавых высыланняў расійскіх дыпламатаў па ўсёй Еўропе — у адказ на Крым, катастрофу рэйса MH17 і ўварванне 2022 года — Масква засталася без кадраў для разведвальнай працы пад дыпламатычным прыкрыццём. Таму зрабілі стаўку на «нелегалаў» з «Вагнера», якія працуюць без абароны дыпламатычнага статусу.

Заходнія краіны звязваюць з «Вагнерам» некалькі выпадкаў сабатажу:

Вялікабрытанія (2024 год) — дробны злачынец, завербаваны «вагнераўцамі», і чацвёра яго саўдзельнікаў спрабавалі падпаліць вайсковы аб'ект.

Польшча (2024 год) — улады абвінавацілі расійскіх агентаў у пашкоджанні стратэгічнай чыгуначнай лініі.

Германія (2025 год) — грамадзянін Грэцыі і грамадзянін Румыніі арыштаваныя за дыверсію на базе ВМС ФРГ.

Гэтыя інцыдэнты паказваюць, што расійскія спецслужбы працягваюць весці падрыўную дзейнасць у Еўропе, ствараючы пагрозу бяспецы і стабільнасці рэгіёна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]