Вайна з Украінай абрыне РФ
1- 19.02.2026, 17:10
- 3,414
Расіянаў чакае крызіс 1990-х.
Расійская эканоміка ўступае ў небяспечную фазу. Спробы адначасова весці маштабную вайну і стрымліваць інфляцыю могуць прывесці да паўтарэння крызісу 1990-х. Кіраўнік РФ Пуцін зрабіў кантроль цэн ключавой задачай, аднак эксперты папярэджваюць — такая стратэгія пагражае разбуральнымі наступствамі, піша 19FortyFive (пераклад — сайт Charter97.org).
Расійскі эканаміст Сяргей Шэлін адзначае, што барацьба з інфляцыяй ператварылася ў ідэалогію. Крэмль трымаецца за мэтавы паказчык у 4%, уведзены яшчэ ў 2015 годзе, нягледзячы на рэкордныя дзяржаўныя выдаткі і пераход да ваеннай эканомікі. Кіраўніца Цэнтрабанка Эльвіра Набіуліна заяўляе, што інфляцыя павінна вярнуцца да гэтага ўзроўню да 2026 года, хоць бягучыя ўмовы робяць мэту амаль недасяжнай.
Санкцыі, ліміт цаны на нафту і закрыты доступ да сусветных фінансавых рынкаў аслабляюць бюджэт. Паводле слоў эканамісткі Таццяны Міхайлавай, эканоміка дэманструе прыкметы стагнацыі і высокую верагоднасць будучага падзення, асабліва пры зніжэнні нафтавых даходаў.
Пры гэтым жорсткая антыінфляцыйная палітыка наносіць удар па абаронна-прамысловым комплексе. Асаблівую занепакоенасць выказвае даўні саюзнік Пуціна, кіраўнік дзяржкарпарацыі Ростэх Сяргей Чэмезаў. Паводле яго слоў, рэкордныя працэнтныя стаўкі і ціск на крэдытаванне ставяць прадпрыемствы галіны на мяжу банкруцтва. А менавіта яны вырабляюць да 80% узбраенняў, неабходных для вайны ва Украіне.
Эксперты папярэджваюць: калі сітуацыя не зменіцца, Расія рызыкуе страціць здольнасць падтрымліваць абаронную вытворчасць, што можа прывесці да доўгатэрміновага эканамічнага і ваеннага аслаблення.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
