Зяленскі: Лукашэнку дакладна варта «страціць»

А Беларусь і беларусаў трэба захаваць для Еўропы.

«Беларусь — краіну, людзей, народ — нельга страчваць для Еўропы, але асобу, якая ставіць Беларусь на службу Расіі, дакладна варта страціць». Так пракаментаваў у сваім вячэрнім відэазвароце 18 студзеня Уладзімір Зяленскі увядзенне Кіевам санкцый супраць Аляксандра Лукашэнкі.

Украінскі лідар нагадаў, што абмежаванні супраць беларускага палітыка былі ўведзены «за відавочна большае ўцягванне Беларусі ў вайну Расіі супраць Украіны».

— Ёсць гэты палітычны сігнал з санкцыямі. Я даручыў уважліва вывучыць усе схемы Лукашэнкі і яго саўдзельнікаў. Мы будзем супрацьдзейнічаць больш адчувальна. І будзем працаваць з нашымі партнёрамі ў рэгіёне і ва ўсёй Еўропе, а таксама з глабальнымі партнёрамі, каб яны поўнасцю ўсведамлялі, з чым маюць справу, калі гаворка ідзе пра рэжым у Беларусі. Беларусь — краіну, людзей, народ — нельга страчваць для Еўропы. Але гэтую асобу, якая ставіць Беларусь на службу Расіі, дакладна варта «страціць», — заявіў Уладзімір Зяленскі.

Пра тое, што Украіна ўводзіць санкцыі супраць Аляксандра Лукашэнкі, стала вядома 18 лютага.

Як вынікае з указа, апублікаванага на сайце прэзідэнта Украіны, санкцыі ў дачыненні да Аляксандра Лукашэнкі ўключаюць блакіроўку актываў, забарону на ўдзел у бізнэсе і дзяржаўных закупках, абмежаванне ўезду ва Украіну, прыпыненне ліцэнзій і гандлёвых пагадненняў, забарону на перадачу тэхналогій і інтэлектуальнай уласнасці, а таксама іншыя абмежаванні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]