Украіна, ЗША і РФ абмяркоўваюць ідэю стварэння дэмілітарызаванай зоны на Данбасе

Яе не будзе кантраляваць ніводны з бакоў.

Чарговая сустрэча па спыненні вайны ва Украіне завяршылася без якіх-небудзь прыкмет істотнага прагрэсу. Аднак падчас перамоваў цягам апошніх тыдняў афіцыйныя асобы абмяркоўвалі ідэю стварэння дэмілітарызаванай зоны на Данбасе, якую не кантралявала б ніводная з армій.

Пра гэта паведамляе выданне The New York Times са спасылкай на тры дасведчаныя крыніцы.

NYT піша, што ідэя стварэння дэмілітарызаванай зоны адраджае прапанову, якая была ўключаная ў папярэднія мірныя планы, у прыватнасці ў 28-пунктавы план, які прапаноўвала адміністрацыя прэзідэнта ЗША Дональда Трампа у лістападзе 2025 года.

Як адзначаюць журналісты, каб абедзвюм бакам было лягчэй прыняць гэтую ідэю, перамоўшчыкі таксама абмеркавалі стварэнне зоны свабоднага гандлю ў любой магчымай дэмілітарызаванай зоне.

Яшчэ адно пытанне — вывад войскаў з лініі фронту. У снежні прэзідэнт Уладзімір Зяленскі дапусціў, што Украіна не выведзе войскі, калі РФ не адыйдзе на такую ж адлегласць.

Паводле слоў двух крыніц, на перамовах, што адбыліся ў гэтым месяцы ў Абу-Дабі, украінцы абмяркоўвалі варыянты частковага вываду расійскіх войскаў з лініі фронту, які неабавязкова будзе сіметрычным. NYT кажа, што гэта сігналізавала пра змякчэнне пазіцыі Кіева.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]