ЕС хоча патрабаваць вываду расійскіх войскаў з Беларусі

З'явіўся дакумент.

Еўрасаюз у межах мірнага пагаднення па Украіне мае намер запатрабаваць ад Расіі вываду войскаў з тэрыторыі Беларусі, Грузіі, Арменіі і Прыднястроўя. Такі пункт утрымліваецца ў дыскусійным дакуменце, які распаўсюдзіла кіраўніца дыпламатыі ЕС Кая Каллас сярод дзяржаў, што ўваходзяць у блок. З тэкстам азнаёмілася «Радыё Свабода».

У дакуменце пад назвай «Асноўныя інтарэсы Еўропы ў забеспячэнні усеабдымнага, справядлівага і трывалага міру і бяспекі кантынента» выкладзены погляд Бруселя на ўмовы, якія павінна выканаць Масква. Акрамя вываду войскаў з суседніх краін, ЕС настойвае на выплаце рэпарацый, дэмілітарызацыі акупаваных тэрыторый Украіны, адмове ад іх прызнання дэ-юрэ і спыненні гібрыдных атак Масквы супраць Еўропы.

Асобны раздзел прысвечаны ўнутрыпалітычным зменам у Расіі: Еўрасаюз патрабуе правесці свабодныя выбары з міжнародным назіраннем, вызваліць палітвязняў, вярнуць дэпартаваных грамадзян, адмяніць закон аб «замежных агентах» і садзейнічаць расследаванню забойстваў палітыкаў Аляксея Навальнага і Барыса Нямцова.

У Бруселі падкрэсліваюць, што бяспека кантынента немагчымая без удзелу ЕС за сталом перамоваў. У сувязі з гэтым абмяркоўваецца стварэнне пасады спецпрадстаўніка Еўрасаюза па сувязях з Расіяй. Чакаецца, што частка прапаноў можа быць вынесена на абмеркаванне кіраўнікоў МЗС краін ЕС 23 лютага. Пры гэтым дыпламаты адзначаюць, што Масква пакуль адхіляе ключавыя пункты магчымай здзелкі, уключаючы выплату кампенсацый і размяшчэнне замежных сіл на захадзе Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]