Дрон ЗСУ з гучнагаварыцелем дапамог узяць у палон пяць расіян

Відэафакт.

На Паўночна-Слабажанскім напрамку Узброеныя сілы Украіны ўзялі ў палон пяць расійскіх акупантаў з дапамогай дрона і гучнагаварыцеля. Пра гэта ў «Фэйсбуку» паведаміла 158-я асобная механізаваная брыгада.

Паведамляецца, што байцы 158-й АМБр праз гучнагаварыцель звярнуліся да расійскіх вайскоўцаў.

«Расійскія салдаты, мы ведаем, дзе вы хаваецеся. Даём вам апошні шанс. Праз гадзіну сховішча будзе цалкам знішчана. Калі здасцеся ў палон, то застанецеся жывымі і пойдзяце на абмен да родных. Усе групы, якія ўчора перамяшчаліся разам з вамі, ужо знішчаныя і ляжаць у палях», — гаварылася ў звароце.

Пасля гэтага са сховішча выйшлі двое расіян і здаліся ў палон. У паведамленні брыгады ўдакладняецца:

«Байцы 158-й брыгады на Паўночна-Слабажанскім напрамку ўзялі ў палон з дапамогай дрона з гучнагаварыцелем двух расійскіх вайскоўцаў з пазыўнымі Горец і Хирург. Потым гэтыя двое запісалі зварот з запрашэннем да сваіх „калегаў“, пасля чаго здаліся яшчэ трое акупантаў».

У брыгадзе таксама заявілі, што камандаванне арміі РФ адкрыла агонь па ўласным вайскоўцу, які спрабаваў здацца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]