Bloomberg: Для расійскай нафтавай галіны наступілі чорныя часы
3- 18.02.2026, 19:28
- 1,986
Прычына відавочная.
Расійскія нафтавікі, якія ўсе ваенныя гады актыўна нарошчвалі бурэнне, напрыканцы 2025-га рэзка знізілі тэмпы і вярнуліся да ўзроўняў канца 2021 года. Паводле даных, з якімі азнаёміўся Bloomberg, у другім паўгоддзі спад стаў асабліва прыкметным: да снежня падзенне дасягнула каля 16% у параўнанні з аналагічным месяцам мінулага года.
Прычына відавочная: у нафтавай галіне пачалі заканчвацца грошы. Праз санкцыі, дысконты і моцны рубель экспарт стаў прыносіць менш, а кожная новая свідравіна давала горшую акупнасць. Кампаніі перайшлі ў рэжым эканоміі і фактычна пачалі «рэзаць» будучую здабычу, каб выжыць сёння.
Чаму гэта трывожны сігнал для ўсёй галіны? Бурэнне — апераджальны індыкатар здабычы. Калі цяпер бурэння менш, праз некалькі месяцаў будуць здабываць менш. Эксперты адзначаюць, што рост і падзенне здабычы звычайна адлюстроўваюць аб’ём бурэння з затрымкай у некалькі месяцаў. Гэта азначае, што наступствы скарачэння бурэння могуць выявіцца ўжо ў другой палове 2026 года, у тым ліку ў трэцім і чацвёртым кварталах.
І гэта ўжо не гісторыя пра «перабудавалі лагістыку». Гэта гісторыя пра тое, што расійская нафтавая сістэма пад санкцыйным ціскам пачынае губляць тэмп і разам з ім здольнасць утрымліваць аб’ёмы.
Ужо ўзнікае рызыка скарачэння квоты па АПЕК+ і страты долі рынку. Паводле ацэнак экспертаў, каб проста падтрымліваць бягучую здабычу, расійскім кампаніям трэба бурыць прыкладна 25–29 тысяч кіламетраў за год. Любое далейшае зніжэнне ніжэй за гэты калідор робіць падзенне здабычы практычна непазбежным, і тады Расія будзе ўступаць рынак тым, у каго няма санкцыйнага ярма на шыі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
