Беларуска вырашыла зрабіць маці маштабны сюрпрыз

Яна шукае сотні чалавек.

Мінчанка Вольга вырашыла зрабіць сваёй маці самы маштабны сюрпрыз у яе жыцці. Нагода значная: жанчыне спаўняецца 90 гадоў. Усё жыццё Ніна Іванаўна працавала ў школе настаўніцай пачатковых класаў. І яе дачцэ, а па сумяшчэнні і вучаніцы, прыйшла ў галаву ідэя сабраць разам як мага больш выпускнікоў розных гадоў, піша Onlíner.

У школу Ніна Іванаўна прыйшла ў 1956 годзе. Некалькі гадоў працавала ў Расіі, а потым выйшла замуж і пераехала ў Беларусь. З 1958 года выкладала ў сярэдняй школе №25 г. Мінска, а з 1967-га да выхаду на пенсію на пачатку 2000-х — у сярэдняй школе №108 г. Мінска. Апошнія гады — у групе падоўжанага дня.

Вольга пачала пошукі са сваіх аднакласнікаў — яна сама таксама вучылася ў маміным класе. Разам выйшлі на некалькіх чалавек іншых гадоў выпуску. Але пошук прыпыніўся. Не дапамаглі і заклікі ў сацсетках. Пакуль удалося сабраць каля 20 чалавек. Пры тым, што за амаль паўстагоддзя ў школе праз урокі Ніны Іванаўны прайшлі сотні дзяцей.

Сама іменінніца пакуль ні пра што не здагадваецца. Сюрпрыз запланаваны на вечар 6 сакавіка. Спачатку ў пансіянаце будзе канцэрт, прысвечаны Дню жанчын, які плаўна перарасце ў маштабную сустрэчу выпускнікоў і віншаванне з юбілеем.

Былі сярод вучняў Ніны Іванаўны і вядомыя асобы. Напрыклад, Дзмітрый Іосіфаў, які выканаў ролю Бураціна ў культавым савецкім фільме. Ён, дарэчы, адгукнуўся на заклік і ўжо пагутарыў з Вольгай. Акцёр паабяцаў запісаць відэапрывітанне.

Калі вы пазналі сваю першую настаўніцу, звязацца з яе дачкой можна тут. Поўнае імя настаўніцы — Ніна Іванаўна Баранава.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]